أنا مصر

حاسس ان مصر ازمتها عدّت
ومتأكّد انها بتتولد من جديد

وانها للعالم قالت وعليه ردّت
انا مصر الحرّة والشعب العنيد

ومهما اعاديها عليها ايديها مدّت
ومهما ازداد التهديد والوعيد

ايدين الشعب تماسكت وشدّت
وزالت الشدّة بارادة من حديد

والجماهير اللي للفساد تصدّت
ه تقطع محاولة عودتو من الوريد

واللي مش فاهم انّ حالتو تردّت
وفاكر انّو كسب لازم حسبتو يعيد

ويعرف انّ مصر ما تقبلش فكر متشدّد
ولا ترضى ترجع لحكم الاسياد للعبيد

ولا تقبل يحكمها اي ريّس متْردّد
يصونها ويحمي شعبها من الغدر والتشريد

مصر شعب واحد وكل خوف يتبدّد
لمّا الشعب يقول كلمة الحق ويعيد

انا الشعب مسلم قبطي بإذن الله متوحّد
وحب مصر بيكبر في قلبي ويزيد

أنا مصر الأم والأمّة اللي الخير بتولّد
وتوزّع محبّة وأمان وتصدّ أي عدوان
و ه ارجع زي زمان
الفكر الواعد والبطل الصنديد

سامي الشرقاوي