تعشٌيت وحابب حلٌي

رنٌتلي وهمست عالسكٌيْت شو عامل يا تسلملي ردٌيت ... قاعد بالبيت عم صلٌي حتى تطلٌي يا ريت تطلٌي يا ريت تعشٌيت وحابب حلٌي

يا مين عالياسمين يهديني

يا مين عالياسمين يهديني شارد من كام سنة واكتر كل ما بقعد سامر حنيني بالكاد عبقة ريحتو بتذكّر ومتل خيال بتصوّر مديني كانت عرايشو فيها تتمختر شو عملتي فيني يا سنيني حرمتيني بلاد الياسمين وخلّيتيني على شمّة عطر اتحسّر

مشاويرنا

كنا نروح نحنا والقمر مشوار نزرع ورود عـ الدروب ونسقيها فل القمر والعتم احتل الدار وتيتّم الحب الـ كان راعيها والقصص لـِ انكتبت عالازهار ما عادت حساسينها تغنٌيها صارت الفتن والحروب والنار قبل ما نمشي مشاويرنا بتنهيها

غيابك مخلّا الساعة دهر

دهر ما شفتك دوّبني النوى طال الهجر ودِبْلو وراق الزهر صحيح من ساعة كنّا سوا بس غيابك مخلّا الساعة دهر

التفاصيل الصغيرة

أتسألين متى اولّ قبلة قبّلتكِ وأوّلّ خصامٍ وصلحٍ وظنٍّ وغيرة أنا يا حبيبتي منذُ وُلِدتُ أحببتُكِ وتنسّمتُ ريحكِ مع اوّلِ قُشعريرة أعيشُ بكِ ولكِ وحياتي وهبتكِ ولا يحييني الاّ تلكَ التفاصيل الصغيرة

متى يعودُ الياسمين

متى يعودُ الياسمين ليفرفحَ حيطان المدينة متى يُلقي قميصهُ على قلوبنا الحزينة لنسترجع البصر ونصحّح مسار السفينة

ضيّع الهجرُ يقيني

ضيّع الهجرُ يقيني وضيّعني جنون الغرام فأقسمتُ .. إن جئتيني سأوصِدُ أبواب الوئام وتأتيني .. فتفرحُ بكِ عيوني أنسى عذاب النأي والخصام وأراني أقبّلكِ وتُقبّليني حتى قبلَ أن تُلقي السلام

أحنُّ اليكِ يا بيروت القديمة

أحنُّ اليكِ يا بيروت القديمة
كم كنتِ ضحكةً مستديمة
واليوم انتِ
على طاولات الغيلانِ وليمة
كم كنتِ ستَّ الدنيا وابنةَ العزِّ
وكم أنتِ اليومَ وحيدة يتيمة
حتى انا حبيبُكِ هُجّرتُ عنكِ
كما هُجّرت كلّ القلوب الكريمة
يقتلني شوقي اليكِ كلّ يومٍ
يُبقيني بحالةِ موتٍ مستديمة
يُشعلني حبّكِ وأحترقُ بذنبي
فلولا ضعفي وخوفي وصَلْفي
ما أصبحتِ بيد الغيلان غنيمة

يا قمر

قديش يا قمر منحسبلك حساب
شاغل عقول وقلوب البشر
من لما خلقت الحسن فيك داب
والليل والسحر ونغمات الوتر
بنورك بالسما بتجلًي عا كل باب
وبلحظة خسوفك
بتشقلب الكون وبتلبّك القدر

ضاق صدر الوطن بـ النكبات

نكبة تلو نكبَه

ضاق صدر الوطن بـ النكبات

يواصلُ صهيون مطلقاً كلبَه

تدنيس المقدسّات

يقلعُ من القدس قلبَه

وعليه يُقيم الاحتفالات

ويواصلُ كلٌّ منّا حربَه

علينا ..  لا على الغزاة

لنا معكَ لقاءْ

يا صباحَ الخير

مهما بخُلْتَ وأطلتَ الجفاءْ

سيأتينا فجرٌ 

من ربّ العطاءْ

يُرتّبُ لنا معكَ لقاءْ

يا دهر خفّف قسوتك

يا دهر خفّف قسوتك

وكِنّ سطوتك عنّي كَنّي

دهر صابر عـ بلوتك

لا بِشتْكي ولا بعِنّ عَنّي

يا ربّ غلّب معي رحمتك

لا تخلّي الدهر هدر

يهدر سنين العمُر مِنّي

نصال الدهر

تلّني الدهرُ على مذبحٍ يلمعْ

وحدُّ نصالِه يُلامسُ وَتِيني

لا يقطعْ ولا عنّي نصالَه يرفعْ

وشَمَني بالضعفِ على جبيني

كنتُ اجابهُ الضياغمَ لا اهلعْ

صرتُ إن هبّت نسمةٌ تُؤذيني

كنّا صغار وكان عنّا دار

كنّا صغار وكان عنّا دار

وكان الهَنا .. دايماً عنّا

كبِرنا .. والزمن فينا دار

تزاعلنا .. وزعّلنا الهٙنا منّا

والقمر فلّ وما عاد طلّ نهار

ببلاد الشوك والنار تهجّرنا

وصرنا بعيون صغارنا صغار

بعد ما بعيون القمر .. كنّا

تعشٌيت وحابب حلٌي

رنٌتلي وهمست عالسكٌيْت

شو عامل يا تسلملي

ردٌيت ... قاعد بالبيت

عم صلٌي حتى تطلٌي

يا ريت تطلٌي يا ريت

تعشٌيت وحابب حلٌي

حوا وادم والشيطان

حوا وادم والشيطان

اخترعولن ميّة قصة

بس الحق عالجهلان

الـ حكيو قصة ما خصّا

من الاول ادم ولهان

وهيّي مستنّية فرصة

كدشو التفاحة منشان

يطلعلن بالدنيي حصّة

ملّوها ولاد وخلاّن

وعملو للحب منصّة

والشيطان من وقتا ندمان

عايش وبقلبو غصّة

بشوفك قمر بدال القمر

رجّعولهم الاحلام

احرسها

اغفي على كتفي

خلّي الشفاه تتجنّى

قبّليني وخلّي الشفاه 

على الشفاه تتجنّى

بدال القهوة

طل الفجر حامل وردي جايي لعندي تصحّيني فاح العطر وقعدت حدّي الوردي برقّة تحاكيني وعـ نار الجمر بهـ القعدي بدال القهوة شويّة شويّة تغليني

قالت يا عاشقي

قالت يا عاشقي لا يليقُ بكَ الظما سأسري بمسامكَ لـِ ترويكَ مناهلي واصبح انا فضائك وكونك والسما افرد على صدرك كلّ صبحٍ جدائلي

عرّم يا فلان

عرّم يا فلان شو عـَ بالك عندك دعم بْكَمشة زِلم خانق يا فليتان خيالك زنّ وجنّ ... بعِلم وحِلم ورنّ يا قرش الهمّ .. كرمالك تلَاتّ رباع الشعب ... انْغَمّ وانت يا معتّر ... دبّر حالك شَكلو بعدو مطوّل هالفِلم

يا بلادي

يا بلادي بـِ علوِ الصوت بناديكي وبغنّي معِك للصبر موّال هـَ الجرْح الـْ كاويني وكاويكي لسْ بدْ من الجِسم يِنزال بمسًيكي بشوف القمر فيكي وعند الفجر بلاقيكي قبل الصبح بتصبّحي الآمال

يا صباح النور

يا صباح النور ضُمّني بـِ جوانِح نهارَكْ وخدني معك تـ نبوس جبينها واتركني لمّا اللّيل يطفّيلَكْ زرارَكْ احرسها مع الملايكة الْـ حارسينْها

مُنية المتمنّي

كيف يا مُنية المتمنّي
على قلبي تتجنّي
هو في هواكي يشقى
وانتِ بشقائِهِ تتغنّي

قوّتي في ضعفي

تبدّد خوفي وازددتُ لهفا
فرقّة لحظكِ كرقّةِ سيفي
كيف اخشى في الهوى ضعفا
وأنا مثلكِ قوّتي في ضعفي

إغفي على كتفي

فلّ القمر وطلّ الفجر نِتفي
والقهوة عم تنادي اشربي شَفّي
وحتى ما يزعل النعَس خْطَيّ
ميلي عليّي شويّ
وإغفي على كتفي

اتحبني؟

مالَت تعانقني وسألَت بدلال اتحبني؟ ولامست بخدّها خدّي ٱثرتُ أن لا أجيب على السؤال ومن لهيبِ خدّي تعرفُ ردّي

ضاع منّي الكلام

بـ هـ المسا ضاع منّي الكلام لمّا تمِّك عـ تمِّي هٙمّ وصارت شفافنا تنهنه غرام مٙرّة لمس ... ومٙرّة ضمّ

خالفت الإعراب بمحبتك

شببتُ على صفوك وجنونك وخالفت الإعراب بمحبتك فيحرّكُ قلبي بغرامك سكونك ويسكّنُ نفسي دفءُ ضمّتك

حاتماً طائي

وصفتني بالبخلِ في الودادِ والكرَمُ ارضي والجودُ غطائي لكنّي بودادي كيوسف بالاقتصادِ اقتصدتُ لأكون واسع العطاءِ إن تراني بخلتُ فبَعدَ بُعادي ستراني قربها حاتماً طائي

من كاسِك بستحلي الشِرب

من كاسِك بستحلي الشِرب
مطرح ما معلّم شِفّي
الشِفّي لـِ مسكوبي سَكب
بالكاس انطبعت نِتفي
وهـ النِتفي خلّت هالقلب
ملهلهب لنّو عـ شَفّي

لكل الناس رسمت السلم

عمّ العتم وكتر الظلم
وكانو الزلم بلون الماس
بلون الماس كانو الزلم
صارو الزلم جناس جناس
بكاس وموّالين وحلم
رسمت السلم لكل الناس
لكل الناس رسمت السلم
بكاسين وموّال وحلم