الأمّة كلّها واقفة انتباه
عشان الامل معقود عليكم
وطبعا كل يللي الاّمّة عايزاه
انّكم تغيّروا اللّي بيجرا بإيديكم
مكتوب الحمل مصر هي اللي شايلاه
ومكتوب كمان مصر نوّارة وبيكم
وإنّو لو صحّت مصر بإذن الله
ه تصح كل بلادنا وتلحق خطاويكم
يا ريّس اللّي جايْ مين ما كنت اوعاك
تخدم برّا قبل جوّا وتندار
أو تحكم بقلب غير القلب اللي جوّاك
أو تلعب لعبة الحديد والنار
يا ريس اللي جاي اوعاك هواك
يخليك تميل لناس وتسيب ناس تحتار
لا اكراه في الدين هكذا الله وصّاك
ووصى كمان الناس دينها تختار
يا ريّس فكّر قبل ما مصر تحكم
بدل ما يوقع الفاس بالراس
ان المصريين ارادوك عشان تخدم
وقاموا بثورتهم عشان تكون ليهم نبراس
اوعاك تضيّع الثورة او حقهم تهضم
او تجيب من برّة تعبان وتحُطّ جوّا نسناس
أو تخلّي مصر تتعب أو تقول الغلب أرحم
عشان يرتاح تعلب ويتبسط وسواس خناس
يا ريّس اللي جاي مين انبل من شعبك واكرم
خللي بالك منهم انت منهم
ومصر بناسها
اطيب أرض واجدع ناس
سامي الشرقاوي
ليست هناك تعليقات:
إرسال تعليق