حكاية سهر

بينٍك وبَيْني بالليل بردايي

وقمر من بين الشجرْ يوَشوْشِكْ جايي

زيحي شوَيْ بِردايتِكْ تا مع القمر فوتْ

وإسهَرْ حدْ تختِك واحكيلِكْ حكايي

كرامتي وعنفواني

اليوم حقّروني ولاةُ أمّتي

واستطاع مضغي كلبٌ أميركاني

اليوم سأرجعُ الى عرينِ عروبتي

وأرتمي بأحضانِ أدياني

لا أوافقُ على تزوير حضارتي

وأرفضُ عيشَ الذليل المُهانِ

سامي

عاشق الجمال

يا عاشق الجمال بالقلب داريه مع العصفور قوم ترغل وغنّيه يمكن الـ بتشوفو عينك حلو بس الـ بينشاف بالقلب بيكون كلّ الجمال فيه سامي

ثورة غضبتِكْ

أعوذ بالرحمن من ثورة غضبتِكْ

تُناقضُ رقّتِكْ فهي صلبةٌ لا تلينْ

آمنتُ بتوأمةِ التناقُضَ في روعتِكْ

وبأنّ الجنونَ هو شريعةُ العاشقينْ

ورد أيار

وبكتب حروف اسمِك عا ورد أيار

 تا اسمك يفوح بـ ها الدني كلّا

وكل شمّة عطر من زهر نوّار

بتحطّ نسمة شوق منك بـ محلّا

وكل نسمي تفتّح قمر جلنار

تغلّ بفكر العشق تلعب وتتسلّى

ولمّا اله الحب وزّع الاسرار

صلّب عا وشّو وعا النبي صلّا

ورسم عا شفافي طلاسم نار

بينفكّ سحرا لمّا من ريقها ببّلّا

سامي

شَقْشَق الفجرْ وترغَل العصفور

يا ربْ يا خالِق من نورَكْ صباحْ النورْ

لِمّْ شملِ الوطنْ معنا

كيف بدّك بـْ وطَن مَقهورْ نعِيشْ

ونتهنّا بـِ عِيشِتْنا

شكل تاني حبّ مصر

شكل تاني حبّ مصر

لا هوّ اسطورة

ولا بالقلب صورة

أو غنّيوة ساعة العصر

حبّ مِخلاّني

لو جرحي نازف ببقى عارف

ان الحنان له طعم تاني

بحضن مصر

سامي

من غيرنا لوطننا وطن

أسألك حبيبتي

من غيرنا لوطننا وطن

نضجُّ به حباً

ويضجُّ بنا شجن

ومن غيرنا يرشّه طيوبا

اذا بحبّه افتتن

كيف يدّعي المحبّ حبّه

ويمعن به ضرابا وطعن

لن يشرّدوه شرقاً ولا غرباً

لأنّه بقلبنا قد سكن

سامي

من مثلي عاشق

ومن كدفء القلوب يذيبُ صقيع الليالي

ومن كدفء الشمس يثيرُ القلب الشاجن

ومن مثلي عاشق وحاله في الهوى كحالي

ومن مثلها بطهرها تُطوّع القلب الماجن

سامي

الضجيج

وحقّ من بيده المُلكْ

نُقرّرُ بجهلٍ مصائرنا

نثورُ لهُلكٍ نهلّلُ لهُلكْ

نصفّقُ لا نفقهُ حوائجنا

نخلطُ الايمانَ بالشُركْ

ضجيجٌ ضجيجٌ ثوائرنا

نعيشُ في ظلامٍ وحُلكْ

بأيدينا حطّمنا منائرنا

يا من نجّيتَ أهلَ الفُلكْ

نجّنا قد طُفنا 

وعلينا دارت دوائرنا

سامي الشرقاوي

خلّيني طفل

يا ريت ارجع طفل بحضن امّي

غافي ومش فارقة معي الدني

يا سنين العمر منّي العمر لمّي

وحتى ما يقرّب الهمّ منّي

خلّيني طفل ما عمري سني

سامي الشرقاوي

شَقْشَق الفجرْ

شَقْشَق الفجرْ وترغَل العصفورْ

والشمسْ فرشِتْ بـْ أرضْ حَقلِتنا

بٙلّ الندي الورد تـَ يفوّحْ عطورْ

والصبحْ صَحْصَح لمّا شمّ قَهوِتنا

ما بينقَصْنا غيرْ رَجْعِةْ وطَنْ مقهورْ

حتى برَجِعتو تعود إلْنا فرحِتْنا

يا ربْ يا خالِق من نورَكْ صباحْ النورْ

لِمّْ شملِ الوطنْ معنا

كيف بدّك بـْ وطَن مَقهورْ نعِيشْ

ونتهنّا بـِ عِيشِتْنا

سامي الشرقاوي

اسكر

مكتوب عليّي ومقدّر

يسكرني خمرِك ... ويلهبني جمرِك

وكل ما تِحرقني نارِك

شفافِك ... تطفّيها

خيرُ عطّار

أنتِ الحياةُ والنبضُ والنهدة
ورقّةُ الفجرِ وخيالُ الأشعار
ومنكِ اللون والجمال للوردة
ومنكِ حلاوة الشهد للجلنار
مزجَ اللهُ فيكي كلَّ ما عندَه
تركيبة مودّه وَدّها خيرُ عطّار


سامي الشرقاوي

مين الـ سكّرني اكتر

‏‎كل ما عن عبالي زهزِه واسكر 

بصب كاس وبفتح صفحة كتبتيها

وبضيع مين الـ سكّرني اكتر

حروفك يمّا الخمر

يمّا صورتِك بفكري وكل أنوثتِك فيها

سامي الشرقاوي

‏‎بلمسة ايدها بزور القمر

‏‎بلمسة ايدها بزور القمر

وبكزدر بطرقات السما

وبحضنها 

بيتشربك عندي النظر

بغمّض وفتّح خايف كون

عم احلما

سامي الشرقاوي

كاس المر

‏‎صرلي عمر كاس المر عم اشربو

حاجتك يا دني مرّك تشرّبيني

استحلو شفافي عـ الحلو يقرّبو

واستحليت حدّ الهنا مرّة تقرّبيني

سامي الشرقاوي

‏‎يا ليل حن

‏‎يا ليل حن وللنور انحني

وخلّي القمر فينا يعتني

بلكي القلب الـ بكْتو الايام

تمسح دموعو

وترجع تضحكلو الدني

سامي الشرقاوي

‏‎فلسطين ما بترجع بتصويت الامم

‏‎فلسطين ما بترجع بتصويت الامم

أو بكلمتين ينافقوهم الـ بلا ذمم

فلسطين بترجع 

لما مع بعضنا نوقف قتال

ولتحريرها نشدّ الهمم

سامي الشرقاوي

القمر عتّم

من شي يوميْن مش اكتر

كنّا تنيْن مع القمر نسهر

شو صار تـ القمر عتّم

وتيتّم المشوار

والطرقات صاير لونها أحمر

سامي الشرقاوي

بالصبر فقنا صبر أيوب

الفرح مخبّا والقلوب خيْفاني

والعمر عبّا منّا قهر بـ قناني

يا رب بالصبر فقنا صبر أيوب

ليش عنّا رحمتك بعدها غفلاني

سامي الشرقاوي

رح بكتبِك حروف عـ الازهار

رح بكتبِك حروف عـ الازهار

تـ تفرفح فيكي الدني كلّا

وكل ما ولّى ليل وطلع نهار

تنسّمي هوا بعطرِك محلّى

وبـ بها حلاكي الفجر يحتار

وكل مين عـ صدرو صلّب

وكل مين عـ النبي صلّى

سامي الشرقاوي

بحبْ نام وبالمنام شوفها

بحبْ نام وبالمنام شوفها

وبحبْ شفافها الصبح عـ شفافي

وبحبْ تكمّل معي معروفها

وحسّ الدفا دبدَب بجسمي

لمّا يغلّ فيني جسمها الدافي

سامي الشرقاوي

نمتي وسهرت حدّك

نمتي وسهرت حدّك

اهمسلِك البوسات همس

مرّة بتمّك مرّة بخدّك

لحدّ ما طلعت الشمس

وعيتي ردّيتي بـ بوسة 

وردّيت عـ ردّك

وبحت بكل يلّي همستو أمس

سامي الشرقاوي

اعشق جنونك

‏‏قبّليني وخلّي الشفاه

على الشفاه تتجنّى

انشيني بنهدة بآه

بعنّة بأنّة

اعشق جنونك لولاه

لما كنتُ 

كلّما عليكِ تمنّيتُ

نلتُ ما أتمنّى

سامي الشرقاوي

قالت بحبّك

لمّا الفراق حلّ