حبيتك من كم مليون سِني

حبيتك من كم مليون سِني

وهبطنا عـ دِني

الناس فيها ذنوبها ومآسيها

لو ترجع الايام

تـ نسمع من ربنا الكلام

ونعيش بدِني

انتي وانا وحدنا فيها

سامي

عصفور الغربة

وكل ما مرق بالسما عصفور

بيرغرغو عيوني شوق وبنادي

حنّ على قلب بغربتو مقهور

وحمّل معك راحة وسلام لبلادي

سامي

هيي الورد عندي

الحبايب بعيد الحب

بيهدو قلب مع وردي

وأنا محتار شو اهدي

قلبي معيّد عندها

وهيي الورد عندي

سامي

يا قلب

قلت يا قلب حلّك بقى ترتاح 

صرلك سنين بتحب وبتنحب

قال ولمين بترك خدود التفاح

وشفايف العنّاب الـ بتشقّ القلب

سامي

عطرنا دايم دوم

الحبايب عاملين للحب يوم

بيهدو ورد وعطر وبيفرحو بالعيد

ونحنا وردنا وعطرنا دايم دوم

وكل يوم منحتفل بحبنا من جديد

سامي

أنا فينيقُ العشقِ

ما خشيتُ على عِشقي من أفولٍ

ولا قلِقتُ من نأيٍ ومن عذابِ

أنا فينيقُ العشقِ اذا متُّ أحيا

ودمعي كرمادي بلسمٌ للمصابِ

بهنّ أهيمُ

قلبي كقلبِ ابن ابي ربيعة

يتقلّبُ بين الحسان لا يرتوي

فكلّ حسناءٍ لها بالأنوثةِ صنيعة

تؤجّجُ النار بقلبي حتى يستوي

ليس لي بمجونِ نفسي ذريعة

وأنّ قلبي كلّ النساء يحتوي

لكنّه قدري قدّرهنّ لي شريعة

بهنّ أهيمُ وبنارهنّ أكتوي

سامي

نار الحب

قالو الـ حَبّو قبلك احترقو بنارو

لا تحبْ الحُب نار للقلب وبَلا

حبّيت لقيت القلب شمّس نهارو

قلت يا هيك يكون النار والبَلا يا بَلا

سامي

غباشة قزازِك

 شقّ الفجر وترغل الحسّون

وشبّاكِك من المطر عم يبكي

يمكن ما كون تصبِّح هالعيون

بس عغباشة قزازِك كتبت بحبِّك

ورسمت قلبي

تـ باقي الحكي يحكي

سامي

كونتراتو

يا ورد رح حلّفك بحْباب عينيْها

خلّيك بضمّتك كانِنْ وانا بضمّْها

ما رح تبوسك وإن حملتكْ بايديْها

تمّْي ماضي كونتراتو مع تمّْها

سامي

القمر غيران

الليل هادي والقمر ضجران

تعي نسهر ونسهّرو معنا

حاسِس عم يغْلِي غَلي وغيران

تطليعتو فينا صاير لِها معنى

سامي

من لهفتي

بكّير صاحي عم اشرب قهوتي

والفجر معربش

عـ شبّاك قزازو مغبّش

وكأنو لمحتِك ... ومن لهفتي

وقّعت من إيدي الفنجان

تـ بخْيالِك اتعبّش

سامي

عـ باب حارتنا

مبارح بعد ما اكتبنا عالقمراسامينا

ولمّ الفجر ليل سهرتنا

تمنّيت بقلبها الشمس تطوينا

والصبح يشعشع بنور فرحتنا

وعا لحن مزيكة اغانينا

ترقص وتّرغل حساسين دنيتنا

أرفُضُ عَرْضِكْ

مُسْبَقا يا سيدّتي 

أطلبُ منكِ السماحْ

لأنّني أرفُضُ عَرْضِكْ

بالصِدفي

عِندْ ما بالصِدفي بحياتي لقيِتا

عرِفْتِ القدرْ صاحي قدْ ما لهَيْتو

غرَفْتْ من نَبِع قلبي حبْ وسقيِتا

وانا قلبي عـَ الكرَمْ والجود ربّيْتو

الحبّ الربّاني

الحبّ الربّاني

هو تلك النشوة تُتيّمنا تعصِرُنا

والصمتُ في داخلنا يضجّ بنا

والنظر لا يُبْصرُ الاّ أنتَ وأنا

والشوقُ ينطقُ هل من مزيد

بحبِّك اكتر ما بحبّ حالي

ولمّا بهرُب من المكتوب للمكتوب

بشوفِك شمس بالبحر بـِ تْلالي

ما بعرف قدّيْش بيكبر الحب بالقلوب

بس بعرف بحبِّك اكتر ما بحبّ حالي

سامي

جايي الربيع

من بعد سهَر وليْل ومشاوير

وفجر طالِل من جبينِك بمعرفتو

جايي الربيع لعندِك يحمّمِكْ بكّير

وصّيتو بميّ الزهر يفرفحِك وحلّفتو

بالتمر حنّي يحنّي ويطرّز البشكير

وياخد معو قلبي ال عا حبِّك ولّفتو

وحتى تفرفحي اكتر بخلّي قلبي يطير

ومن جناين العطر ينقّي العطر 

وكل ماحولِك رفّ تتعطّري برَفرفتو

سامي 

وبـ آهٍ منكِ ونهدَة

وبـ آهٍ منكِ ونهدَة

صارَ عشقُكِ نبيذَ عُمري

وقلبي وردة

وصار كلّ حرفٍ

من حروفِ شعري

لونُه خَمْري

سامي