سألوني ما الجمال ؟

سألوني ما الجمال ؟

قلتُ هيَ ..

قالوا زِدْ قلتُ كفى

قالوا صِفْها

قلتُ هيَ كالروحِ

محالٌ أن توصًفا

وكالنورِ ... 

إذا حضرَتْ

ولّى الظلامُ واختفى

سيّان عندي الزمان

إن يرحل عامٌ أو تُقبل سنة سيّان عندي الزمان يا سيّدتي قد يُحسَبُ العمرُ بالسنين إنّما لا يُحسَبُ عمْري الاّ بِكِ انتِ

صفعة عهد

خبّئوا رؤوسكم ما شئتم بالخباء
خبتم أنتم وما ادّعيتم من مجد
دمّرتم اوطاننا علينا بلا حياء
وقاتلتم اسرائيل بالهمس عن بُعد
مكشوفٌ خداعكم وربّ السماء
تكذبون تجبنون فماذا بعد؟
هي لصهيون ولكم على السواء
تلك الصفعة ... من كفّ عهد
من قلبي سلام لـ #القدس و لـ #عهد_التميمي

يا عيد

يا عيد 
عم تفرّق بين ولاد وولاد بجدارة
ولاد بيحلمو بلعب وهدايا
وبينامو عـ ريش النعام
وولاد عيشتهم غصّة ومرارة
نسيانين الفرح والنوم
ولا بيحلمو بالمنام
يا عيد
تذكّر ولادنا لنّو بـ اشارة
ما بدهم هدايا ولعب
بس رجّعلهم الاحلام

يا هادم المعبد

‏ادعوك يوم ميلادك
أن تقينا
من الذين يريدون
قتل الحياة فينا
خلّص امّتنا يامخلّص
خلّص قدسنا
خلّص فلسطينا
خلّصنا من ذاتنا
كي لا نعبد كلّ يوم
شيطاناً لعينا
ونستعطي عقارب وثعابينا
ليكن ميلادك اليوم لنا
فنحن أحقّ إذ ما عاد لنا
غيرك أنت هادم المعبد
وحبيبك محمّد
وربّ العالمينا

بعد كتم النار

أراها تلحظ شوق قلبي بقلبي وأنّي أكتم نارها في شهيقي انا وربّ البيت أضيّع دربي إن لم يكن طيفها في طريقي احلم ان تلامس يدها يدي كي بعد كتم النار يشبّ حريقي

نار الغرام

هالقلب بوردة غرامو محتار

بتفرفح كل ما نارِك عـ قلبي تمِدّي 

عمرِك سمعتي قبل نارِك عن نار

بتنعش قلوب

ومتل الـْ مَيّ بتندّي

يا قدس يا وجعي

يا قدس يا وجعي

يا عناقَ الاقصى والقيامة

يا مدينتي العربية الى يوم القيامة

أُعذريني

قد خذلكِ وخذلوني

يا مدينة السماء

المقاومونَ والمجاهدون والولاة

وما عدتُ أملكُ غيرَ الدعاء

لربّما استردّ الحياة

ويعود لي مدفعي

فقومي وصلّي معي

أتبكون اليوم قُدساً

أتبكون اليوم قُدساً

بعتوها بعدما بعتم فلسطين

أكنتم عرباً عجماً أو فُرْساً

كلّكم ليوم الدين ملعونين

هلّل صهيون وأقام عرساً

وأقمتم مآتمَ شرفكم الدفين

كيفَ نُحيي بكم نفساَ وحسّاً

وأنتم من مئآتِ السنين

بداءِ الفتنةِ ميّتين

أفشَتْ عيْنايَ سِرّي

ما بين كأسي وأمري

أفشَتْ عيْنايَ سِرّي

لَعنْتُ النأي

وامْتطيْتُ الريحَ لألقاكِ

واستردّ من الزمانِ عُمري

اذا سمحتي

إفسحي لو أمكن واذا سمحتي

مكاناً في قلبكِ يكون بيتي

فقد مللتُ حياةَ الشقاء

وسئمتُ العيشَ في العراء

ولمّا تهتُ على الدروب

وتقلّبتُ بين القلوب

لم أجد قلباً اليه اتوب

الاّ قلبكِ انتِ

قِدّيسْ الهوى

عطرِك بالصلاة سكبْ مسكوبْ

ومتل بخّور بتفوحي بـ قدَاديسي

وسوا منصير بقلبْ بَعضْنا ندوبْ

أنا قِدّيسْ الهوى وانتي ... القِدّيسي

ذبيحكِ

إن نويتِ بالهوى نحري 

سمّي ... وانحريني

ليكون ذبحي في الغرام حلالا

مرّري سكّين لحظكِ

بكلِّ تأنّي ... وبغير عجالة

دعيني أتلذّذ بفتكِ سحركِ

وأنتشي بسهم لحظكِ القتّالا

لن يضرّني أنّي بالغرام ذبيحكِ

فأنا ميّتٌ بهواكِ ... لا محالة

يا بنت الوطن

يا بنت الوطن ضيّعناكي

عيّشناكي بسلاسل وقيود

بداخل القمقم أسرناكي

بليناكي بحمير وقرود

وحتى نكون اكتر ظلمناكي

ويكون الجهل عـ جبينّا معقود

عن نسايم الحريًة منعناكي

وشمّمناكي روايح البارود

اطفال بلادنا

اطفال بلادنا قضية مرَوْكبي

بيخلقوا شايلين هموم الدِني

نار حروبنا كرْكبِتهم كرْكبي

بساعة بيكبرو شي ميّة سني

بجهلنا درْكبنا حياتهم دركبي

شيّبناهم .. وهنّي بعمر الولدني

في ذكرى مولد الرسول

كل ضربة جُبن منّك يا جبان

بتدّعي الايمان

وانت بتتنفّس كُفر وغدر

بتفجّر بغدر أهل وخلّان

ايه اكتر من كده كُفر

همّا بقوا بجنّة الرحمن

وانت بجهنّم بقعر القعر

والّي على مصر بمكر بيشنّ عدوان

جبان ومستخبّي بوكر فأر

المصريين متوحّدين يا فلان

وهـ يعصروكم عصر

كل ضربة جُبن منّك يا جبان

بتوحّدهم اكتر وبتقوّي مصر

كالنسمةِ يُنسّمُ

كالنسمةِ يُنسّمُ
يُنشي ثمّ يَحرِمُ
يمرُّ من حيّنا
يمضي ولا يُسلِّمُ

اشتقتُ لصباحِك

اشتقتُ لصباحِك على الشرفة
ولقهوتكِ وركوتكِ وقرقعةِ الفناجينِ
واشتقتُ من فنجانكِ تشفّي شَفّهْ
وشَفّة شَفّة من الشِفّة تسقيني

‏أحنّ الى بيتنا

‏أحنّ الى بيتنا وحيّنا المعجوق 

والى نظرةٍ أوقعتني بشباكها

لا أنساها وما زلتُ اليها أتوق

ترمقني بها من فتحة شبّاكها

لامسني قلبكِ

قرأتُ حرفكِ فلامسني قلبكِ

من قال العشقُ قبلاً للأذنِ والعين

العشقُ نبضٌ على كلمةِ حبٍّ يتّكي

فسبحان مُجمّع القلوبِ بحرفين

مُنية المتمنّي

كيف يا مُنية المتمنّي
على قلبي تتجنّي
هو في هواكي يشقى
وانتِ بشقائِهِ تتغنّي

ريّاس سفينتنا

كنّار ومن برّا ريّاس سفينتنا
وكل ريّس على ضفّة
داير الدفّة
ونحنا ... يا غافل الك الله
متل الطرشان بالزفّة

على سهوة

على سهوة
من يوم ما هالقلب شافِك
كل شي بعملو تغيّر
حتى القهوة
صرت اشربها من شفافِك

زعّلتك مرّة

غلطت وزعّلتك مرّة شو صار ... انا من غير قصدي غلِطت ياما إنتي كسرتي الجرّة وياما حمّلتيني وشِلت

يا وقْت

يا وقْت كيف بلحظة بتمرُق

اذا شِفْتنا شي يوم فرِحْنا

بلمْح البصر فَرحِتنا بتسرُق

وبتضلّ عـَ مهلْ

بالاحزان تْمرجِحنا

اقوى سكراتنا

اقوى سكراتنا

بخمر الوقيعة بيناتنا

منحارب طواحين الهوا

منحب الـ ما منّو نوا

ومنتنافس عـ خيباتنا

 

غلِطتْ أكتر

راجع بعد ما تركتني وحدي

شهور ابكي واتحسّر

الدمع بعيونك وبإيدك الوردي

لا تكون رح سامحك مفكّر

بتقول غْلِطتْ وما قدِرتْ عـ بُعدي

أنا لمّا حبّيتَك

الظاهر .... غلِطتْ أكتر

على موج هواكي

كالنسمةِ يُنسّمُ

كالنسمةِ يُنسّمُ يُنشي ثمّ يَحرِمُ يمرُّ من حيّنا يمضي ولا يُسلِّمُ

رقصة العمْر

هاتِ يدِك نرقص رقصة العمْر نمنمي خطوتك ...ِ نعّمي قبلتكِ واسقيني من شفّتكِ لهيباً ... وماء زهر

شمْسِ القلبِ المضويّة

بيطلع فجر بركب مُهر 

بعبُر نهر بصُب ببحر

عيون الشمسِ السحريّة

بضْوي بدْر تنعشَر شهر

بقلْبي عُطْر وزهْر وسِحْر

وشمْسِ القلبِ المضويّة

ما بأيدينا

يا سيّدتي

ما بأيدينا

فالعناصر التي جمّعت الدنيا

اجتمعت فينا

الأرض قلبي

وقلبكِ هواءنا أجمعينا

وفي ثغركِ ماء المحيّا

وشفاهنا النار التي تكوينا

همس اللمسات

ينشيني حين يراقصني

همس اللمسات

يدٌ على خصري تطويهِ

ويدّ على المسامات

فمهُ على عنقي يسقيهِ

أشهى قبلات

وأنا يعصرني تيهي

وقلبي تعصره خفقات

بحبِّك يا تقبريني

بحّار وببحور الدهر

تايه فيني سفيني

قلبي والع متل الجمر

طفّي الجمر ورسّيني

تـ طول العمر مواج البحر

عـ شطّك تكتب هالسطر

بحبِّك يا تقبريني

بسمة شِفاها

بتخبّي هواها من حياها

بتخاف لـَ العيون تجرح هواها

قلت لازم تخبّي شِفاها عن العيون

كل ما اتبسّمت بسمة شِفاها

صباحِك صفو

صباحِك صفو صافي بيكتمل لو يُوصَف بوصفِك نور وجهِك لنهاري كفو كافي ويكفيني من هـ الدِني شبِك كفّي بكفِّك

قبلَ أن تُلقي السلام

تأتيني فتفرحُ بكِ عيوني        أنسى قسوةَ النأيِ وضَنا الخصام

وأراني أقبّلكِ وتُقبّليني           حتى قبلَ أن تُلقي السلام

العمر فتحة عيْن

العمر فتحة عيْن غمضة عيْن       منطلّ عـ الدني بالعمر طلّي

والحياة حلم إن ما تحقّق              بيبقى حساب العمر يوميْن

                  يوم ما منولد ويوم ما نولّي 

هـ الزعما

هـ الزعما بيحبّو ينهانو
وبـ ينبسطو بنشْر العرض

تـ يسبّو فلانو وفلانو
حقنو الشتّامين عـ بعض

لو عن جدّ زعما كانو
ما خلّو كْرامتهم بالارض

شبابيك الورود

أحنّ اليها والى حيّنا المعجوق 
بشبابيك الورود ... وأشواكها

والى ياسمين دارها الممشوق
وعطره الذي أوقعني بشباكها

والى نظرةٍ ما زلتُ اليها أتوق
ترمقني بها من فتحة شبّاكها

مين سكّرني اكتر

بيسكرني خمرِك ... وبيلهبنب جمرِك

وكل ما تحرقني نارِك

شفافِك تطفّيها

كبش الاضحى

يا كبش الاضحى بنحرك ليتنا
نفهم أمرٙ الله وبه نقتدي
قد فدا الله ابراهيم بك
فمن بك يا ترى نفتدي ؟
يبلغ الهدْيُ كلّ عامٍ محلّه
ونحن محلّنا لا نبلغُ ولا نهتدي

سهران

سهران انا والليل وهالوطن الحزين 

وكل ما شَقْشَقْ فجر بعرف وعيتي

وصير لمْلِمْلِك من الحبَق طْرابين

وعطّرلِك الطرقات وإتخايلِك جيتي

وهمَسْتي "بحبَّك" ومتْل طقس تشرين

اسخُن وابرُد ويمكن موت اذا مشيتي

العاشقُ البحّار

أنا العاشقُ البحّار

بكلّ خشوع

أُبحِرُ في وطني وأطوف

ونسيم بلادي يشدّ القلوع

نجمتي حبيبتي

قلبي سفينتي