خلطة نفاق

ما الحيلة يا وطني
والمتحكّمين بك خلطة نفاق
من مكرهم لا يملّوا
يُنافقونكَ بلا خجلٍ حدّ الارهاق
ويدّعوا أنّهم يُسلّمون عليك ويُصّلوا
 سامي

خايف يصحّينا

‏القمر داب والليل عم يفلّ
والشمس عالسكّيْت عم تغلّ فينا
وعصفور عالشباك كل شويّ بيطلّ
بدّو يترغل وخايف يصحّينا
سامي

الصداقة

قالو الصداقة بتبلِسم النفس
وبتعين عند الضيق وكيْد العدا
ناديت عـٙ الـْ صادقتْهم أمس
انـبحّ صوتي وما جاوبـني حدا
 سامي

ايام متل الاحلام

بتمرق الايام متل الاحلام
شي منتذكّرو شي ما منتذكّرو
شو هـ الدني الـ كلّها أوهام
لا الواقع واضح
ولا الاحلام بيتفسّرو
 سامي

كبِرنا

كنّا صغار والهنا معنا رفيق
لا حاملين هم ولا واقعين بضيق
كبِرنا والطريق الوعرة اخدتنا
ومشّينا بلادنا عـ نفس الطريق
 سامي

بعدني واقف

ما بيلحق الصبح يطل تـ يفلّ
وبيضلّ الليل جرح نازف
يا ربّنا بيكفيني ضنا جسمي انعلّ
بمشي بمشي وبعدني واقف
 سامي

يا مخلّص يوسف

يا مخلِّص يوسف من البير

خلّصنا من سوء التدبير

عنّا دياب بيسنّو نياب

وعنّا لبرّا وجوّا دناب

وعنّا ولاد شعرن شاب

من كتر الهم والتعتير

سامي

اول حب

اول حب كان بصغرتي وكنت شوف الدني فيها صغار افترقنا ورغم فرقتي بعدني بكل مطرح بلاقيها

سامي

يوم الارض في الامم المتحدة

يوم الارض في الامم المتحدة تقام الافراح وتُشرب النخوب قد تم بنجاح اشعال نار متّقدة تحرق ارضنا وقلوب الشعوب سامي

فراعنة الزمان

نشتمُ العربٙ ليلٙ نهار نُحقّرهم ونصمهم بالعار وكأنّ شعوبنا المقهورة فراعنة الزمان وكانّ اطفالنا المذبوحة سلالة تتار سامي

ناكر العشرة

بحمل هموم الدهر دهر وبصبر وبنطر وبعدّ للعشرة وما بقدر احمل لحظة غدر ولا عندي صبر عـ ناكر العشرة

سامي

حبّيتِك انشرح قلبي

حبّيتِك انشرح قلبي وبالمختصر صرت حبّ الدني والخير يعمّ البشر لو من زمان ربيان الحب بالقلوب لا قامت حروب ولا حدا عالأرض انقهر

سامي

امسك الحلم

مرّات بتمنى بإيدي امسك الحلم وبشوية عزم اخرق حيطان الزمن بدّل ناس بناس يوصلو عـ الحكم يرجعو على نضيف يبنو هـ الوطن

سامي

يا ساقي المرِّ

يا ساقي المرِّ اما جفَّ نبعك نشرب كؤوسك مرغمينا لو رشفتَ من مزّكَ رشفةً لتبدّلَ طبعُك وكسَّرتَ الكؤوسَ وتبتَ لربّ العالمينا

سامي

بحبِّك اكتر ما بحبّ حالي

لمّا بهرب من المكتوب للمكتوب بشوفِك شمس بالبحر بـِ تْلالي ما بعرف قدّيْش بيكبر الحب بالقلوب بس بعرف بحبِّك اكتر ما بحبّ حالي

سامي

كمّلي معي معروفك

بحب نام وبالمنام شوفك وبحب شفافك الصبح عـ شفافي وبحب تكمّلي معي معروفك وحسّ الدفا دبدَب بجسمي لمّا يغلّ فيني جسمك الدافي

سامي

في بحر الفرام

عجيبي الدني

عجيبي الدني والناس الـ فيها بعيشو كام سني يدرسو خوافيها ضهرهم بينحني وما بيربحو شي فيها وبلحظة ساكني بتغمض عين الخوف من المجهول فيها سامي

ما ضل حدا

ندهت ... جاوبني الصدى وين الحبايب ... يا عين وين درب الحب ... عهده مضى ما ضل حدا غير دقّة القلب ودمعة العين سامي

العروبة

‏كنّا سوا نقاوم الاجنبي المحتل
وكانت العروبة ... تنشي قلوبنا
صرنا اليوم ... بيوت بعضنا نحتل
وعملنا العروبة عيب من عيوبنا !!!
سامي

‏يا دني ظلمك هدّني

‏يا دني ظلمك هدّني
وين الـ كانو ورد المكان
مرّيت اسأل عليهم ردّني
وعر الدروب وقسوة الزمان
سامي

الليل ملّ

الليل ملّ وضِجرِت نجومو
والقمر غمّض عيونو ونام
يا عشّاق بيكفي بقى قومو
وملّو هـ الدِني حُبّ وغرام
 سامي

يا شهدا قانا اعذروني

عجيبي امور هـ الدني

عجيبي امور هـ الدني
والأعجب الناس الـ فيها
بعيشو فيها كام سني
ما بيعرفو خوافيها
بيشقو تضهرهم ينحني
ما بيربحو شي فيها
وبلحظة ساكني
بتغمض عين
الخوف من المجهول فيها
 سامي

في بحر غرامها

أبو فراس شاعرٌ وفارسٌ مغوار

شكى للحمامةِ وقفزَ من سورٍ مشيد

وأنا أسرَني قلبها وحُسنها القهّار

وكانت الحمامةُ بيننا ساعي بريد

ولمّا قفزتُ من فوقِ الاسوار

كانت أمامي على حصاني

أشتمُّ عطرَها الفريد

في بحر غرامها رمتني الأقدار

تأسرني وتفعل أمواجه ما تريد

سامي

رقص الابجدية

يا من رقصت الابجدية على نغمِ هواكي

وصارت الحروف اوتارا ودفوف

سارمي في هواكي شباكي

انتظر الظروف

علّني اكون حرفا من لُغاكي

او نقطة فوق الحروف تطوف

سامي

دنيا الحِسان

يا امرأة عندها هدأت الامواج

وبلع التنور الطوفان

يا امرأة عندها كل ما احتاج

حبٌّ وعطفٌ وأمان

يا امرأة شغلوا لها من الُحسنِ تاج

وملّكوها على دنيا الحِسان

سامي

فردوسكِ أنتِ

وكالنسيمِ تُدغدغي روحي انتِ

وكالطيْفِ تسري وتُنعشي نفسي انتِ

وكالخيالِ تحلّقي بي في فردوسكِ أنتِ

وأنتِ

لستِ كباقي نساء العالمين

خُلقنَ جميعهنّ

من بعدِ خلْقكِ أنتِ

سامي

يا ربّي أتوسّلكْ

يا ربّي بيدك أن تحكمَ وتقْضي

والامرُ لكْ

إنّما أشكو اليكَ وأُفضي

ولطفكَ أسألكْ

قد فاضَ الهمُّ بحوضي

وبقلْبي سلَكْ

فمن غيركَ يزيل الهمّ ويُرضي

عبداً يقصدُ منزلكْ

يا ربّي ردّ الومضَ لنبضي 

يا ربّي أتوسّلكْ

سامي

يا ساقيَ المرِّ

يا ساقيَ المرِّ اما جفَّ بعدُ نبعُك

تدور كؤوسكَ ونشربها مرغمينا

لو رشفتَ من مزّكَ رشفةً لتبدّلَ طبعُك

وكسَّرتَ الكؤوسَ وتبتَ لربّ العالمينا

سامي

يا ابن البتول

يا معجزة الخلق يا ابن البتول

بكَ صبّ الله رحمته على الأنام

باركتنا وانت الى الردى محمول

وباركتنا عند نهوضك والقيام

قم وانتشلنا من الوحول

يا خير من لنا مات

وخير من لنا قام

سامي

اللعب عـ الحبال

يا الـ عم تلعب عـ الحبال بيِكْفي كِنّ شٙويّ وخلّي الوطن همّك كل ما ارتاحو الناس نتفي بتطّلّع مصايب من كمّك سامي

عصر حروب

متحكّم فينا عصر حروب جيوش الكلّ منصورة وحدا يا حسرة لـ شعوب عم تنذلّ ومكسورة لانّو سلاحا يادوب دمعة ... وقلبة شفتورة

سامي

مين نضيف بهالبلاد

التالوت المتحكّم برقاب العباد

الناهب والبايع ويلّي بالدم ايدو بلّ

ما في حدا نضيف بهالبلاد

النضيف ... يا معتّر يا مات يا فلّ

سامي

وطن مهزوم

كل ما بفيق الصبح بالغِربي

بفتح الشبّاك وبدوّر عـ قلبي

بلاقيه راجع من وطن مهزوم

عم يبكي ومجرجر وراه

ألف خيبي وخيبي

سامي