في ثغرها إكسيرٌ

أكملتُ عاماً آخر في دنيا حبيبتي

ولم أهرم أو أتعب أو أشيب 

في دنياها تختلطُ طفولتي برجولتي

وفي ثغرها إكسيرٌ كلّما رشفتهُ أطيب

سامي الشرقاوي

منية المتمنّي

ظننتُ مللتِ الحديث منّي فختمتُ كلامي بقبلة ورددتِ يا منية المتمنّي القبلةَ بقبلةٍ أحلى

سامي الشرقاوي

خمرَ عشقنا

قالت تعال نُخرجُ عن القوانين قلوبنا نجنُّ نمجنُ نغطسُ بحور الهوائلِ تعال نشربُ حتى الثمالة خمرَ عشقنا وحتى يصبحَ جنوننا كاملا متكاملِ

سامي الشرقاوي

طوفان زهور

سأمشي إليكي

وأقلبُ الارضَ طوفان زهور

حتى أرى النور

يُشرقُ من بحر عينيكي

سامي الشرقاوي

يا عشق يا رفيقي المجروح

آه يا عشقُ يا رفيقي المجروح

أتحنّ كما أحنّ الى المكان والزمان

كنّا مع الشوق نحطّ في مصر رحالنا

أين أنتِ منّا اليوم يا ارض الكنان

وكنّا اذا يحلو لنا العناق لا نرتوي

حتى نضمّ في العناق الشام ولبنان

آه يا سهر كيف قتلوا فيك القمر

وحوّلوا الموّال ندْباً والضحك أحزان

سامي الشرقاوي

كاسات التعب

شو صاير تـ الناس فايرة عـ الناس

وكل واحد مصوّب لسانو ومدفعو

انت وانا منشرب التعب كاس ورا كاس

ويلّي عم يـ صبّلنا الكاسات

مرتاح ببلادو 

مبسوط ومش فارقة معو

 سامي الشرقاوي

صباح النور

يمكن الدهر بقلب قاسي علينا يجور

ويمكن الايام عكس ما بدنا تٔدور

لكن لا بدّ ما كل يٙؤم يشقّ فجر

يطوي الليل 

ويفرش عالدني صباح النور

سامي الشرقاوي

مكسورة الخاطر

ولمّا الفُراق حلّ

وهجم متل ديب كاسر

وما ضلّ حلّ

وقفت عالباب لا قادر فِلّ

ولا قادر ضلّ

قالت يا دموع العين

شو ناطر

بدّك تفلّ فلّ

بس لا تتركني

مكسورة الخاطر

سامي الشرقاوي

يا حامل الهمّ

يا حامل الهمّ بالقفّي

ارْتحْلٙك نِتٔفي بيكٙفّي

شوف الدِني ورد وزهور

وجرّب اقطفلٙك شي قٙطٔفي

سامي الشرقاوي

تركيلي منِّك نفَس

اذا بدِّك تفلّي فلّي بس

تركيلي منِّك نفَس

منّو اتنفّس

وعطِّر تيابي

وشعرة من شعرِك 

خبّيها بكتابي

ومنها رجعتِك اتلمّس

سامي الشرقاوي

بميلادك يا مخلّص

بميلادك يا مخلّص أملٌ يُحيينا

فما عاد لنا نخلة تقينا

ولا قلباً دافئاً ولا مُعينا

خلّصنا

كي لا يُنجب الشيطان منّا

كلّ يومٍ شيطاناً لعينا

سامي الشرقاوي

يا ضَنا

يا ضَنا حاجْتَك فينا تسْكَر

وتِسقينا كاسات التَعَب بالسِكّر

حلّْ عنْا ومعنا سكِّر كتابَك

لا بتِلْبَقلْنا ولا بيِلْبَقلنا فيكْ نتْأثَر

سامي الشرقاوي

زارنا القهر

ما فينا حدا ما انقهر

زارنا القهر وبعد ما راح

الذنب عند ربنا بينغفر

وذنبنا ما إلو سماح

تركنا امرنا لمكر البشر

وللمُرّ والضُر وكتر النواح

سامي الشرقاوي

حمّوصة الزعتر

بذكرك بالبرد يا جدّي

بكّير فايق والمنقل مشعّل

وستّي عم تجهز القعدي

حمّوصة الزعتر فرض منزّل

الدفا كان إلفي ومودّي

واليوم الدفا عن قلوبنا ترحّل

سامي الشرقاوي

لن ينفع دعاء

لن ينفع دعاء ولن تجدي صلاة

ولن يغير الله فينا بوقفةِ محرابِ

أصخورُ نحن لا يهزّنا ما نحنُ فيه

ونرضى مصائرنا بيد اولاد القحابِ

لا مجد والوطنَ تمضغهُ ذئابُ الأممِ 

انّما المجدُ بسحبِهِ من افواهِ الذئابِ

سامي الشرقاوي

وُلد الهدى

وُلدَ الهدى منذ الزمان واليوم وغدا

وله في كلّ يومٍ وفي كلّ قلبٍ مولدا

وُلد الهدى ونوره في الارض والسماء

لا يُطفئه جهلُ جاهلٍ ولا وغدٌ اعتدى

وُلدَ الهدى فختم الله الانبياءَ والرسلَ به

ولكن جعله في قلوب الانام حبّا سرمدا

وُلد الهدى فشقّ ابليسُ ثوبه غيظاً وحُنقا

وما انفكّ يجيّشُ الجيوش له معبّئاً ومجنّدا

وُلد الهدى ولن يُشقيه عبثُ شانيءٍ أبترٍ

ولا مكر ماكرٍ غمّس لسانه بالسمّ وغمّدا

وُلد الهدى من رحم النور نبتةَ حبٍّ وصفاءٍ

زُرعت بكلّ نفسِ آمنت به وبكل قلبٍ اهتدى

وُلد الهدى فصلّى الله عليه وملائكته ورسله

وكل من آمن بالله وله صام وقام وبه تشهّدا

أشهدُ انكَ الحبيبُ والشفيعُ وصاحب الوسيلة

وأنّك النصير والمحمودُ والرسول والنبيّ الاحمدا

أنت النبيّ الانسان على مدى الزمان والمكان

أشهد أنّك مدينة العلمِ وسيّد الانامِ 

وحبيب الله محمّدا

سامي الشرقاوي

مش هـ كلّم ضميركم

يلّلي بتقتلو ناس بتصللي

مش هـ كلّم ضميركم

الضميرعنّكم متخلّي

بس قولو للي مشغلّكم

الدمّ الطاهر هـ يخلّي

مصر بوحدتها تزهّر

وشعبها كلّو عارفكم

سامي الشرقاوي

جهنّمَ فِتَن

أنا أمّةٌ من عمرِ الزمانْ

تنامُ وتصحو على غليانْ

وكأنّهم جعلوا في جوفي 

جهنّمَ فِتَن

وقودُها تاريخي وحضاراتي

وما ربا على مهدي من أديان

سامي الشرقاوي

في مولد الرسول

يا حبيب الله شوقي اليك

يسوقني سوْقاً سويّاً لا يَحيد

وكأنّكَ عبقّ أتٍ من الجنانِ

أو شعاعُ بدرٍ ليس له نديد

وُلدتَ والكونُ في جهلِ الزمانِ

فأضأت الدنيا بنورِكَ الفريد

وكنتَ الميزان وشرعة الحقّ

ومدينة العلم والعقل الرشيد

واليوم عاد الكون مرتعاً للجهل

وتحكّم بنا أبالسة الشيطان المريد

قلتَ من سلم الناس من لسانه ويده

هو المسلم الحقّ والمؤمن الاكيد

فما تقول اليوم والبذائة ديدننا

واطفالنا تُذبح من الوريد للوريد

يا نبيّ الله وحبيبه ورسوله الامين

قم وانشر بنا اسلامك من جديد

واشفع لنا لدى الرحمن ينجينا

من نقمته وسنينه وبأسه الشديد

نصلّي عليك حبّاً فيك وايماناً بك

وطمعاً لتشفع لنا بيوم مولدكَ المجيد

سامي الشرقاوي

في بلادِ الانهارِ

تجولُ في بلادي فتنٌ

ويُعربدُ المكرُ بدياري

لكنّي يحميني وطنٌ

سلّمتهُ كلَّ أقداري

فمهما اشتدّت مِحَنٌ

وأظلمَت دروبُ مشواري

سيبزغُ من الديجورِ قبسٌ

ويعودُ النورُ لنهاري

لن يعكسَ مجراهُ نهرٌ

في بلادِ الانهارِ

سامي الشرقاوي

يا ساعة السنين

يا ساعة السنين الـ ماشية عكيفِك

والناس ماشية خلفِك

عقاربِك مرّة وطعمها حدْ

لـ اتحرر من غدر كفِّك

وظلمك وعنفِك

بإيدي مسِكتْ العُمر 

ووقّفت عدْ

سامي الشرقاوي

ما في بديل

يا اهل الفِتن كفاكُم تَفرقة وتَدْجيل

ما في بديل مهما فَتَنْتو وأشعلتو فتيل

بِفضَل انا علي والصدّيق وعثمان وعُمر

الانجيل ساكن بقلبي جَنْب مُحكَم التَنزيل

سامي الشرقاوي

على كتف الآه

إيّام بدنا على كتف الآه نتّكي

وإيّام بدنا نقول 

وما بيطلع معنا الحكي

وإيّام بيهرب الضحك منّا

وما بيطلع عا بالنا غير البكي

نشكي لمين حالنا

وكل الْ حواليْنا عم يشتكي

سامي الشرقاوي

ايماني غيرُ صحيحْ

يقولون ايماني غيرُ صحيحْ

وذنبي لا يُغتفرْ

إذ لم اشاركْ بذمِّ محمّدْ والمسيحْ

ولا شتمِ علي او عُمَرْ

ولستُ معدومَ ضميرٍ قبيحْ

يمتهنُ اشعالَ الحروبِ

ويعتاشُ بقتلِ البشرْ

سامي الشرقاوي

لازم عصوتِك نام

من العتْمي قلبي لمّي

وضوّي ضلوعو الموجوعا

ولـَ طيب ويحلا يومي

لازم ع صوتِك نام

وعـَ طعْم شفافِك اوعا

سامي الشرقاوي

أيامي كلها انتِ

بنهاية السنة

انسى الدهر وما جنا

فأنتِ الحلم والامل

حبيبتي كنتِ وما زلتِ

فما همّي انا

إن جاء عامٌ او رحل

هنا كان أم ضنا

فأيامي كلها انتِ

سامي الشرقاوي 

طيور الصيف

طيور الصيف بكيف تدور

حسّونا وترغلّتها

بيرجع يتخبّا العصفور

من الشتوية وصقعتها

وانا للحلوي مندور

بالشوب مكيّف قلبا كون

وبالصقعا دفّايتها

سامي الشرقاوي

في بداية عام جديد

عند نهاية كل سنة

وبداية عام جديد

اودع املاً وأحلم بأمل

وأقف بالتحديد

على شرفةِ الهنا

لأراكِ انتِ

فأنسى العنا والضنا

وما جنا زمان الخنا

وأنسى مجون العقولِ والالسنة 

وأشفقُ على جنون الصمتِ

لا يهمني يا درة حياتي

ان جاء عام او رحل

فأيامي كلها اراها 

معكِ انت

سامي الشرقاوي

وقتْ الجدْ

خابوا ولوْ جابوا نهر القهْر لـْ قهْر العباد

لبنان سَدْ ورَدْ وسيْف وسلام ومحبّي

جنودْ لبنانْ مُشْ بَسْ العسْكَر الأجناد

كُلْ الشعب وقتْ الجدْ جندْ يهِبْ ويْلَبّي

سامي الشرقاوي

يسعد نهارك

يسعد نهارك بالخير والنور

وبالحبق والزنبق والمنتور

فتحي شبابيك قلبك بتلاقي 

الـ عم يترغل انا

مش العصفور

سامي الشرقاوي

خير العراق

قلبوا الخير بالعراق لموتٍ زؤام

سمّموا فراته وتاريخه وما حسبوا

أنّ ارض الرافدين من خلق الأنام

لا تقبل نبت السوء مهما ترابها قلبوا

سامي الشرقاوي

قلبي صار شعلة نار

قلبي صار شعلة نار

بحُبِّك جنّ عليكي غار

وَردْ ودَربْ ومِشواريْن

مشواريْن ووَردْ ودَربْ

ودربيْن ووَردْ ومِشوار

سامي الشرقاوي

بحور اللغات

غصتُ في بحور اللغات

علّني أجد حرفا يفي بالعشق حقّكِ

ويصفُ الشوق لديّا

فعجزَ لساني عن وصف غرامي

وعذري انّي

خذلني في حبّكِ

حروفُ الأبجدية

سامي الشرقاوي

دمع رجولتي

ابكي يا عبرة مقلتي

لما هذا العناد

لن يؤذي الدمع رجولتي

فوري واغرقي البلاد

لربّما طوفانك ينقذ أمُتي

ويُطفيء نار الكره والاحقاد

سامي الشرقاوي

من حقي يا ستي

فقير ومن حقي يا ستي

بالبرد ندفّا

الدني ضنيق وعم تشتّي

ومن الصقعة تلتينا توفّا

صارت عيشتنا مرِتّي

لأنّو قلوب من صخر 

 الله علينا لفّا

سامي الشرقاوي

قلبي معوّد

من حقي فيكي اتولّع

لا تخافي قلبي يتلوّع

معوّد قلبي من يوم خلقت

وهوّي يئنّ وبتوجّع

سامي الشرقاوي

قلبا البكر

قلبا البكر يسكّر عقلي

يسكّر عقلي قلبا البكر

بمفتاحين وغال وسِكر

وغاليْن وسكر ومفتاح

سامي الشرقاوي

ببحر عيونك سوّاح

تمرجح عكرمو العنقود

وفوّح بزهرو التفاح

سمرا يا امّ عيون السود

بـ بحر عيونك سوّاح

سهم وقلب ومفتاحين

مفتاحين وسهم وقلب

وقلبين وسهم ومفتاح

سامي الشرقاوي

ضمة عطر

قلبي بِلي بضمة عطر

بضمة عطر قلبي بلّي

مفتاح وغاليْن وسِكر

قلب البِكر سكّر عقلي

سكر عقلي قلب البكر

بمفتاحين وغال وسكر

وغالين وسكر ومفتاح

سامي الشرقاوي

مهما بحبّك لاموني

مهما بحبّك لاموني

وقالو طرقاتك صعبي

بوصل مطرح ما تكوني

مدرّب عـ دربك قلبي

وقد ما كبيري المسكوني

تـ شوفك كرمال عيونك

بـ خلّيها قد العلبي

سامي الشرقاوي

حروف عـ الازهار

رح بكتبِك حروف عـ الازهار

تـ تنسّمي هوا بعطرِك محلّى

وتفرفح الدني داير مدار

وكل مين على صدرو صلّب

وكل مين على النبي صلّا

سامي الشرقاوي

نشوف ونشتهي

إيام وبتنتهي السني

وعنا العمر بعدو ملتهي

بلا حياة منعيشا الدني

منخلق دغري عمارنا بتنتهي

غيرنا عايش سلطني

ونحنا دوب سامحيلنا

نشوف ونشتهي

سامي الشرقاوي

شو بيعمل المهموم

شو بيعمل المهموم

رفعت ايدي وربنا سألتو

ليش انا من الهنا محروم

ما ضل هم ما حملتو

كان الفرح معي ينام ويقوم

واليوم أنا انسان

معو بس تذكرتو

سامي الشرقاوي

سبيَ القلوبْ

أعلمُ أنّ لعبتكِ سبيَ القلوبْ

وإثارةَ الدموعِ في المدامعْ

وأعلمُ عن عشقكِ لن أتوبْ

فخاويتُ في هواكِ المواجعْ

سامي الشرقاوي

الدنيي هيك

الدنيي يا حلوي هيك

ساعة هيك وساعة هيك

الكل بيتشقلب حالو

المليان بيخسر مالو

والعريان بيصير بيك

وهيك الدنيي والله هيك

سامي الشرقاوي

الوطن القبر

في الذاكرة سكَن 

من وردٍ وزهر

كان اسمهُ وطن

واليوم صار قبر

لميّتٍ فوق التراب يُدفَن 

بالسرّ والجهر  

بلا غسلٍ ولا صلاةٍ ولا كفن

سامي الشرقاوي

غربة الوطن

الغربة الأشدّ ألم 

غربة الوطن وذاتنا

عندما الأمل لا يكبر 

عن مقياس قدم

والحلم يُنحر على عتباتنا

سامي الشرقاوي

منحكي بس بالعيون

إنتي وأنا

خجلانين نحكي بحبنا

منحكي بس بالعيون

تعي نغمّض ونترك شفافنا

تّمتِم البوسات بِسْكون

تنحرّر خحلنا

وما يضل حبنا

بحكي العيون مرهون

سامي

ايرما لادوس ورابعة

أعشقَ مثلنا بالكون كائنٌ

وحوى اصنافه جامعة

قد مزجَ قلوبَنا خليطٌ متجانسٌ

شهوةٌ جائعة وصفوةٌ ناصعة

فأنا بعشقي متصوّفٌ وماجنٌ

وأنت بغرامكِ 

ايرما لادوس ورابعة

سامي الشرقاوي

حبّكِ حقل الغام

أفهمْ
أنّ الطريقَ لقلبِكِ
بألفِ لُغمٍ مُلغمْ
لكنّي اراني في حبّكِ
أمشي بكل إقدام
حقل الألغام
وأعلم
أنّهُ ربّما على سهوة 
تُنهيني خطوة
خطوتها بدافع الغرام
خطأَ دون أن أعلم

سامي الشرقاوي

يا مطرة

يا مطرة وصّليلها مني سلام
وعقزاز شباكها كتبيلها بحبِّك
نقطة نقطة نقطيلها الكلام
قوليلها
قلبي باعتلها رسايل الغرام
والبوسطجي باعتو ربِّك

سامي الشرقاوي

همس

نمتي وسهرت حدّك
اهمسلِك البوسات همس
مرّة بتمّك مرّة بخدّك
لحدّ ما طلعت الشمس
وعيتي ردّيتي بـ بوسة
وردّيت عـ ردّك
وبحت بكل يلّي همستو أمس

سامي الشرقاوي

تجنّي الشفاه

‏‏قبّليني وخلّي الشفاه
على الشفاه تتجنّى
انشيني بنهدة بآه
بعنّة بأنّة
اعشق جنونك لولاه
لما كنتُ
كلّما عليكِ تمنّيتُ
نلتُ ما أتمنّى

سامي الشرقاوي

رسايل الغرام

يا مطرة وصّْليلها منّي سلام

وعـ قزاز شباكها كتبيلها بحبِّك

نقطة نقطة نقطّيلها الكلام

قوليلها

قلبي باعِتِلها رسايل الغرام

والبوسطجي باعتو ربِّك

سامي الشرقاوي

كلّ نساء الكوْن

احترفتُ لحبّكَ الانوثة

ولبستُ لهواكَ 

ألفَ شكلٍ وطبعٍ ولوْن

فأنا يا سيّدي

أريدُ أن أكونَ لكَ

كلّ نساء الكوْن

سامي الشرقاوي

لحن البلابل

اعزفي يا نور عيوني
بأوتار شجوني
لحناً تغرّده البلابل
في ترانيم دينك وديني
احفظيه حجابا
كحصنك الحصينِ
ليطرد الشر عنك
وفي هواكِ يرميني

سامي الشرقاوي

عصفور

سأحوّلُ نفسي عُصفور
احطُّ على شبّاكِكِ
في صباح النور
أنقرُ نقرتيْن
نقرة تخبركِ أنّي لكِ مندور
ونقرة تحميكِ من الشرور
وتحرسكِ من الحسد
وصيبةِ العيْن
سامي

مستحيل

أتشكين من قلبٍ بهواكي متيّمُ
وتظنّيه يقدر أن لسواكِ يميل
ما كان الشوقُ على وردِ خدّكِ يُنسّمُ
لو لم يكن خدّكِ غايتَه للتقبيل
والشوكَ الذي الناسُ عنه تكلّموا
هو جارحي والدمَ دمي وانا القتيل
أتكوني سلسبيلي الدافقِ وأتيمّمُ
هذا يا حبيبتي بشرعي أنا مستحيل

هراء

كل ما يجري في بلادي 
للأسف هُراء
لا الحاكم حاكمٌ بأمره
ولا المعارض جرعة دواء
كلهم على السواء
فقاقيع هواء
والناس على بعضعهم  أعادي
والوطن على الارض مُردى  
وليس له عزاء

سامي الشرقاوي

يا قلب

يا قلبْ ما بخاف عليْك
مش كل دقّاتك بيتْعبها الزمَن
ما دام فيك دقّتيْن
دقّة للوطن
ودقّة لـَ نور العيْن
بتفضَل شَبْ
وماسِك هـَ الدني بـِ إيديْك
سامي

دقات القلوب

كانت قلوبٌ بلطف تدقّ
جلّها تحجّر بجلّ البشر
طوبى لقلوبٍ ما زالت ترقّ
وطوبٌ لبشرٍ طوب
قلوبهم حجر

سامي الشرقاوي

انتِ وأنا

أنتِ وأنا
وعشقنا من عطرنا
طابَ واختمرْ
حلّق بنا في سَماءِ كونِنا
كونٌ أرهفَ قلبَ القدر
كنتِ فيه شمسَ عمرنا
وكنتُ لشمسِ العمرِ القمرْ

سامي الشرقاوي

ارتداد الطرف

متى تقصُر المسافاتُ بيننا
قِصرَ ارتداد الطرف للملأ
لو نقلاً يسيراً ينقلنا
ويجمعنا كلّما ارتدّ طرفٌ لنا
ذاكَ الذي نقل عرش سبأ

سامي الشرقاوي

عـ قولة "الست"

يا قلب شعلاني نارك ودربها بعيد محكوم بحبك تنكوي وجمرك يقيد عـ قولة "الست" كل نار تصبح رماد الا نار الحب كل يوم عن يوم بتزيد

سامي الشرقاوي

وحياة عيونك فيروز

قلبي للسمرا محجوز ورح لاقيها صبحيّي عيونا وساع ... وبيجوز تنّورتها نيليّي بس وحياة عيونك فيروز رح حطّا بيعينيّي

سامي الشرقاوي

عـا قد بساطك

عـا قد بساطك مد رجليك لكن بفكرك مد عا مدّ المدا وحِب .. ما تخلّي قلبك يعتب عليك إن ما حبّيت وانحبّيت صدّقني انت بهالدني منّك حدا

سامي الشرقاوي

مال الهوى

قلبي من الهوى داخ وهوى كل ما بحِب بالحُب باكل هوا يمكن ما عاد الغرام شعر وهيام ومال الهوى لـْ مال رسمالو من طقّ الحنَك وشمّ الهوا

سامي الشرقاوي

خطيئة آدم

زلّ آدمُ وأذنبَ وعصى لكنه بالحبُّ أنبض قلبَ الإنسان فلولا حواء لكان آدمُ صخراً وحصى ولولا الحب ما غفرَ الله له ولكلّ عاشقٍ ولهان

سامي الشرقاوي

نار الحب

يا قلب شعلاني نارك ودربها بعيد
محكوم بحبك تنكوي وجمرك يقيد
عـ قولة "الست" كل نار تصبح رماد
الا نار الحب كل يوم عن يوم بتزيد

سامي الشرقاوي

لولاكِ في حياتي

فلولاكِ في حياتي لكنتُ كأنّي

جسداُ فارغاً وكما جئتُ رحلتُ

وإن لم أملأْ قلبَكِ بما تتمنّي

فلا كانت حياتي ولا فيها كنتُ

سامي الشرقاوي

تقول لا تقلق

تقول لا تقلق

أنا يا سيدتي فتاكِ الذي بكِ مفتونْ

يُقلقني الحسدْ

والنفثُ في العُقدْ

ويُقلقني أن أرى حولكِ

آفاتِ العيونْ

ولا أقلقْ

سامي الشرقاوي

ياسمين الشام وحبق بيروت

يا رب

مرمغني بياسمين الشام وحبق بيروت

رميني حروف والناس باللادقية تلقاني

ويحكوا حكاية شمس اسمها عشتروت

وشاعر نار الشمس بقلب قلبو شعلاني

سامي الشرقاوي

صيبة عين

ينبوع حبِّك فوّر بقلبي ألف عين وعين

ومتل جمالك بعد لا شفت ولا رأت عين

يا نور العين حتى ما تصيبِك عين

جمّعت دعوات الانبيا وعملتلِك حجاب

سامي الشرقاوي

خدودا المضويّة

وحدي فجرْ راكب مُهرْ

بعبُر نهرْ بصُبّْ بفخر

 ببحرعيونا السحريّة

بقلبي عطرْ وزهرْ وسحرْ

وبضوي بدرْ اتنعشرْ شهرْ

بوهج خدودا المضويّة

سامي الشرقاوي

كرة الشوق

لله درّك يا امرأ القيس
لم تكن مثلي بالغرام مبتلي
كرة الشوق هي .. لا الصخر
التي حطّها
سيل الهوى من علِ

سامي الشرقاوي

ذئابٌ تسكرُ

وقفتُ لا اعلم على من ألقي سلامي

رحلوا .. ولم يبقَ مَن عليه أسأل

يا بلادي هكذا اراكِ اليومَ أمامي

نعجةً مذبوحةً وذئابٌ تسكرُ عليكِ وتثملْ

سامي الشرقاوي

الشهود

في يومٍ من أيام زمان
أشهدتُ الله وقلبِك
والناسَ والوقتَ والمكان
والزنبق والياسمين والريحان
أني أحبِّك
كان ذلك اليوم في زمانٍ مشهود
كانت فيه بلادي بأمان
واليوم بعد غدرِ الزمان 
ضاعت الناس واغتيل المكان
وطغى الدخان على عطر الورود
ولم يبقَ من الشهود
غير قلبِك وربِّك

سامي الشرقاوي 

بلاوي الغرام

قعدو العشاق يتدلّلو
ويحكو عن بلاويهم بالهيام
قلت شو بيعمل الـ عـ الضيْم بينام
متشرّد وصايرة بلادو مش إلو
اسكتو
يا ريت كل البلاوي بلاوي غرام
سامي

عطر الجواب

غمّستُ ريشتي بالوردٍ والعنّاب
وكتبتكِ بقلبي وختمتُ الكتاب
كلّما نبضَ حرفٌ منّي لكِ
يفوحُ منكِ لي عطرُ الجواب

سامي الشرقاوي

نزف المجد

حبيبتي لو تعلمين كم تنزفُ عيوني
تاريخاً وأدياناً وحضاراتٍ وأوطانا
وعشقاً كان يُبهجني وصار يُضنيني 
فكيف ينقلب كلّ هذا المجد أحزانا
سامي الشرقاوي

أيتها المرأة

أيتها المرأة 

أيتها الحياة 

انتفضي وارفضي رجالاً زرقاً كالجان 

رجالاً في اصلابهم ماءَ الشيطان 

انتفضي وارفضي 

مخلوقاتٍ تعيش وتعتاش بالحروب 

تنتشي برؤية الموتى على الدروب 

كفى هذه الارض غروب 

ثوري ثورة الثورات 

عودي احبلي بالخيرات 

فقد جفّ نهر الحياة 

عودي وانجبي نور الشمس 

كوني كما كنتِ بالأمس 

فأنتِ البداية من يومِك 

وما زلتِ الخيرَ والعطاء 

ورحمة السماء 

في صدرِك نبع الفردوس 

وسرّ الكون في رحمِك 

سامي الشرقاوي 

مجزرة الاحلام

وباتت الغربة غربات

في الارض والوطن

وحتى في النفس والذات

وصار الوهم واقعا ينهشنا

والحلم يُنحر على عتباتنا

وصار الجرح بحجم الذاكرة

والأمل لا يكبر عن مقياس قدم

أسموه في الشتات وطن

وأسموه عندنا مقبرة

لميّتٍ لا يعلم

أنّهُ يُدفنُ حيّاً فوق التراب
وبلا كفن

سامي الشرقاوي

هي البحرُ

من سناها نورَه النورُ سرَق

ومن شذاها الوردُ عطرَه سرَق

هي حنينُ الزمانِ وشوقُ المكان

وهي البحرُ الذي يُستلَذُّ فيهِ الغرَق

سامي الشرقاوي

حُبّي متل القدر الـْ مَكتوب بالآيات

وبْصَوتْها الـْ مَخنوقْ بـِ الغصّات

قالت بحبَّك .. وحُبَّك بـِ قلبي اشتدْ

بحبّات المطر .. بِبْعتلَكْ البَوْسات

وغرامْ وحبّْ .. عـَ قدْ ما فيكْ تعِدْ

قُلتْ .. يا باعْتي مع المَطَر نَهدَات

صحيح .. حُبِّك بحبّات المطرما بينعدْ

بَسْ إن كان حبِّك بتحدّدو الـْ غيمات

بْتِنجِلي الغيوم وبْيوقَف المَطر والعَدْ

لكن حبّي أنا ... بيِنْحَكى حكايات

لا كان قَبْلو .. ولا صار مِتلو بعدْ

حُبّي يا قلبي .. مِتل الهوا لـِ الرِيّات

اذا انقطع بْتِفنَى الدِني وكَوْنها بينْهَدْ 

حُبّي متل القدر الـْ مَكتوب بالآيات

لا بْيوقَف ولا بْينتهي ولَا بْيِنوَضَعلو حدْ

سامي الشرقاوي

أحبِّكْ

بعدما لم يعد الصبر رفيق

وصادقني النسيان

وصرتُ في هذا القدَر غريق

ولعبةً بيدِ الزمان

كلمة واحدة انهت المأساة

اسمِك

فقمتُ من الموت

وتشبّثتُ بالحياة

واستيقظَت بي الآهات

ولذّة الانين

وندمتُ على السنين

التي أضعتها سدى

دون شمسٍ ولا نورٍ ولا هدى

واليوم

وبعد ان بدأ القلب يرقص على وقع نبضِك

وبعد أن حلّقتُ بسمائك وتشبّثتُ بأرضِك

سأقول كلمة من الاعماق
وأكتبها على صفخات الآفاق

أحبِّكْ

سامي الشرقاوي