نساني

نساني وما تفكّر فييّ	وهالقصّه نهيلي هييّ
ما تخلّيني إحلم فيك	ولا بمَيّة حبّي إرويك
ما بدّي ناري تكويك	ولا نارك تكوي فييّ
وحياتك ما عاد فييّ
ما بِقدر حِبَّك أكتر	وعا جرحي رَشْرِش سكّر
عطيْتَك فوق الحب كتير	دمّرني حبّك تدمير
حالتنا ما إلها تدبير	بِتْضَلاّ هييّ هييّ
وحياتك ما عاد فييّ
صَعبي ما فيني إرجع	قلبي من الحب تلوَّع
ما عاد فيني نهار وليل	دوق اللوعة وزوم الويل
اتلوّا من ميل لـ ميل	عيوني تبكي ليلييّ
وحياتك ما عاد فييّ
بتسألني إن كَنّي بحبك	لا تسأل وحيات ربّك
وحدي بشوفك من هـ الناس	وحدي بشرب مرّ الكاس
بُعدك جرّحلي الاحساس	وطفّا الشمعة المضوييّ
وحياتك ما عاد فييّ
ما عاد فيني إتْحمَّل	تغدر فيني وإتجمّل
عرفتك مش صافي النييّ	ما عدت تأثّر فييّ
إن كَنّك روحي وعيْنيي	ها القصّه نهيلي هييّ
وحياتك ما عاد فييّ
موّال
شرِبْت من غدرَك كاسات طَعمْها مر	وكِنْت من بين المهالِك إشرُد ومُر
واليوم من بعد ما زال الغرام ومَر سامي الشرقاوي	مهما بتأمر ما بلبّي الطلب