يا مصر عودي وعلينا طلّي
القلب عليكي موجوع
عودي واضوي حياتنا شموع
احضنينا ومعانا ارجعي صلّي
يا مصر جمالك زاد الارض خشوع
ومع ولادك أكتر بتتحلّي
زيّ الربيع ما يفتّح من الينبوع
صبّي علينا خيرك وعمرنا حلّي
يا مصر يا كلمة يا نسمة يادعا مسموع
رب السما عليكي متجلّي
هاتي من عند المصطفى ويسوع
شفاعة ومحبة ودموع
حتى ولادك جعابها تملّي
سامي الشرقاوي
ليست هناك تعليقات:
إرسال تعليق