ما بقى تفلّي

يا حلوةِ الْ بالقلبْ بتْضلّي

حاجتِكْ بقا غايبي طِلّي

ماعادْ قادرْ احملْ غيابْ

رجعي وبْقلْبْ قَلبي غٍلّي

متِلْنا ما انكتبْ بَعدْ كتابْ

ولا غلّْ العشِق مِتلْنا غََلّي

بْعَرَقْ إيدي كاتبْلِكْ جوابْ

وبَعدْني ناطِرْ ردّكْ تَملّي

وتَا مَلّي كاسْ حُبْنا شَرابْ

مِنْ نبْعِ الصَفا بِغِبْ وبْمَلّي

زْرَعْتلّكْ عْيوني عا العْتابْ

عيْنْ ياسميني وعيْنْ فِلّي

هنّي وأنا ناطرينْ عالْبابْ

حتّى يا عُمْري عليْنا تهِلّي

لغيْرِك مِشْ حاسِبْ حسابْ

وتا تِرجَعي رَحْ ضلْ صَلّي

رْجَعِي زْهِقْتْ عَتْمِي وضَبابْ

رجَعِي نَوّْرِي عُمْرِي وحَلّي

وبسْ تِرجَعي يا أغلى الحْبابْ

بحلّفِكْ ما تفلّي وبْعَهِدْنا تْخِلّي

ما عادْ فيني إتْحمَّلْ عَذابْ

ولا قلبي بعد يتحمّل تفِلّي

سامي الشرقاوي