إن ما حكيتي شو بكي

إن ما حكيتي شو بكي
ما رح إسألِكْ
وإن كان طالع ع بالك الحكي
إحْكي وأنا رح إسمعكْ
وإن كان بيريّحِك البِكي
إبكي وأنا ببكي معِكْ
ما تفكّري ما عم إشتكي
والقلب ما عم بيدمعِكْ
وما لعنت الظروف الشائكي
الْ عم تخلّيني اتلوّعكْ
لكن ما بدّي تكوني ملبّكي
أو يِنهزّْ لحظة موقعِكْ
يللّي عمري وحياتي مالكي
وبقلب قلبي موضعِكْ
لا بد تنجلي الغيمي الحالكي
وترجعْ عيوني تلمعِكْ
وتبقي بْمساماتي سالكي
وابقى بروحي اقشعِكْ
ونعيش العمر مشاركي
تغلغلي فيني وتخبّيني جوّا أضلعِكْ
وتصيري من الحسد ترقينا وتباركي
وأنا عن قصدْ جوّا قلبي مضيّعِكْ

سامي الشرقاوي