شو ناطرة فوتي ......

ناطرِكْ عالبابْ حتى تدُقّي وقولْ مينْ
وإسمعْ نهْنهةْ صوتِكْ وأعرفِكْ جيتي

تِخْمينْ إمِّكْ حِمِلتِكْ بعيونْها الناعسينْ
وانتي جُوّاتْ حلا كحْلِ عيونها ربيتي

فوتي يا شمْسْ عُمري وفَوّْتِي حْساسينْ

إنتي تفًتفْتي قلْبي وهنّي ينًقِوْدو فْتافِيِتي

خلّيكي تا ما يهرُبْ منِ سْنينِي سْنينْ
ما تظنّي بيبقى فيني عمُرْ إذا مشيتي

خلّيكي تا نورِكْ يخلّي شموعي شاعلينْ
اذا انطفوا لا معي نورْ ولا عُودْ كِبريتِي

خلّيكي تا جِبْلِكْ منْ طيورِ السما تلاحينْ
يلحّْنوا الآهاتْ لنبْضاتْ قلْبي كلّْ ما حْكيِتي

خلّيكي تا رشِرْشِكْ ورَقْ زنبقْ وياسْمين
ونبِّعْلِكْ منِ الهَنا وفرْفِحْ أنا كلّْ ما هْنيِتي

وجمّعْلِكْ البوْساتْ وحلِّيها لَشْفافِكْ الحلوينْ
وبوُسِكْ كلّْ ما غْفيِتي وبوُسِكْ كلّْ ما وعيتي

سامي الشرقاوي