وبْصَوتْها الـْ مَخنوقْ بـِ الغصّات
قالت بحبَّك .. وحُبَّك بـِ قلبي اشتدْ
بحبّات المطر .. بِبْعتلَكْ البَوْسات
وغرامْ وحبّْ .. عـَ قدْ ما فيكْ تعِدْ
قُلتْ .. يا باعْتي مع المَطَر نَهدَات
صحيح .. حُبِّك بحبّات المطرما بينعدْ
بَسْ إن كان حبِّك بتحدّدو الـْ غيمات
بْتِنجِلي الغيوم وبْيوقَف المَطر والعَدْ
لكن حبّي أنا ... بيِنْحَكى حكايات
لا كان قَبْلو .. ولا صار مِتلو بعدْ
حُبّي يا قلبي .. مِتل الهوا لـِ الرِيّات
اذا انقطع بْتِفنَى الدِني وكَوْنها بينْهَدْ
حُبّي متل القدر الـْ مَكتوب بالآيات
لا بْيوقَف ولا بْينتهي ولَا بْيِنوَضَعلو حدْ
سامي الشرقاوي
ليست هناك تعليقات:
إرسال تعليق