فتَحتْ شبّاكي وزِحْتِ البرداية
وقلت حاجْتَك يا صبي مبوَّز
لقيت الشمس ورا غيمة مْخَبّاية
كلْ شوَيْ تطلْ طلّة وتـِ تنَقوَز
قلت يا شمس اشتقتنالِك مضوّاية
الدني بلا نورِك متل دمِعْ الـْ مقزّز
قالت لو بتعرف قدّيش مِستحلاية
افرد شَعري عـَ الارض واتعزّز
بسْ صار العتمْ لَبعْضِ الناس غاية
بَدهُم النور ينام بالقلوب ويـِ تْفرَّز
قلت ناسْ العتِم متل غولِة الِحْكاية
بالآخر بتاكل حالها وبـِ قبرها بتتكوّز
زيحي الغيم وعـَ بلادنا رجّعي النور آية
إخصْ عـَ كل مين
راد بلادنا بالعتِمْ تتقسّم وتِتْحزَّز
سامي الشرقاوي
ليست هناك تعليقات:
إرسال تعليق