يا شعب مصر عشان مصر اتوحّدوا
وعلّي يعادي كونوا أيادي من حديدْ
اضربوا اعدا مصر وفـْ ضربكم اتشدّدوا
اعدا مصر ابالسة بيديرهم شيطان مَريد
ادعمو جيشكم حافظو عليه وضهرو اسندو
ولادكم شجعان بس الجبنا بتضربهم من بعيد
واللي خايف فـ مصر يكون حد مستقصَدوا
ما يخلّيش هوى نفسو فتنة للفرقة والتبديدْ
وتبقى مصر دايما مَقصد للّي بيتقصّدوا
الخير والمحبة والعلم والسلم والرأي السديدْ
قوموا طبطبو عـ ولادكم وجراح مصر ضمدّو
بدّلوا النار جنّة واحضنوا مصر بإيد
وبالإيد التانية ضمّوا الأمّة والعدا اطردوا
مصر دايماً أمّة تزرع الخير وتحصدوا
عمرها ما تكون لقمة سهلة لمين يشاء ويريدْ
سامي الشرقاوي
ليست هناك تعليقات:
إرسال تعليق