يا شعب معتّر

يا شعب معتّر خلّيك مخدّر مِتل المسطول

بتـِتأمْبر بتـِتشَنتر لكنّك يا معتّر مَوافِق عـَ طول

روح هوُن تَعا هوُن قعود هوُن مأدّب خجول

ونوّابك لا بـِيتشّوا ولا بـِينشّوا لِبسو المريول

وأصحابْ الشانْ سرْقو الشـِنتَان وبـَلعوُ المحصول

يا شعب الـْ نايم ما خصّو دمّك مصّو غَرقان وْحوُل

وبعدَك يا معتّر عمْ تِـتمَسخَر لنّكْ مهتَم ومَحكوُل  

مفكّر عايش بـِ باريس بتلعب برجيس وبـْتاكل فول

إصحا شويْ حاجِي خْطـيْ بلادك جارِفْها سيول 

ما بيفيدك الاّ إيدَك والـْ عامل سيدَك وحياتـَك غوُل

سامي الشرقاوي