دقّيت تلات دقّات وكنت ملهوف
وإنتي قبل ما تنامي كنتي عم تصلّي
فتَحْتي وضاعِت من شْفافي حروف
قد ما حِلوي بعد الصلا أكتر بتتحلّي
زرعيني حدِّك وفيني عْمِلي معروف
شمعة لصلاتِك وبعد الصلا نورها خلّي
تا شوفِك بالصلا انتي وواقفي وقوف
وبعد الصلا شوف ظِلِّك عم يساير ظِلّي
وشوفِك نايمي متِل ملاك بالحسن موصوف
وشوفِك كلْ شوَيْ قايمي وعليي عم تطلّي
مدري ربنا خالقِك غير الناس وبغير ظروف
مدري لمّن خلقِك كان مبسوط رايق ومتجلّي
تركيني دوب فيكي وحِبّك بالسر وعالمكشوف
وخلّيني غلغِل بقلبِك وانتي بقلبْ روحي غلّي
وشوُفي فيني القمر وانا الشمس فيكي شوف
وعمليني بحرْ اغطسي فيني كل ما بدّك تفلّي
سامي الشرقاوي
ليست هناك تعليقات:
إرسال تعليق