يا غيابْ حاجتَك حِنّ يا غياب
وخيْط عُمري لعُمري رجّعو
قلبي انضنا وعن حبّها ما تاب
ومن غصّتو دقّاتو رح يِفقعو
بيمرُق صباح النور بعيوني ضباب
وغيْر خيالها ما عادو يِقشعو
كل ما عند الغروب بيندَقّ الباب
بيلهُف بصدري الشوق لمّن بسمعو
وبقول يا ريْتها تكون عـند العتاب
وشمعاتِ الّلي انطَفو يعودو يشعشِعو
كلّ ما نسَّم هوا بقول جايبلي جواب
وكل ما مرَق عصفور ببعَتِلْها معو
سامي الشرقاوي
ليست هناك تعليقات:
إرسال تعليق