بحبِّك يا تقبريني

مبارح بعد ما فَلّ الليْل ونِمتي
قعدتْ مع الفجر احكيه ويحْكيني
قال يا رفيقي ريتَك تحِلّلي مسألتي
وتجِبْلي منها خيْط نور يضوّيني
يا عمري إن كان الفجر جنّنتي
ما عاد جنوني فيكي بيكفيني
وان كان شوية عقل فيني خلّيْتي
خديني وأنا بْوَعيي اغمريني
واذا عا باب قلبِك "بحبَّك" اكتبتي
خلّيني عا باب قلبِك حاجِب خلّيني
حتى كل ما فتحتي الباب وغلقتي
اوُقف ونادي "بحبِّك يا تقبريني"

سامي الشرقاوي