تقول نعم او اقول لا
مش هيا دي المشكلة
من ايمتا كان لصوتنا كلام
أو نتيجة حل لمسألة
يللي نازلين ف بعض خصام
وراضيكم حال البهدلة
بكرا تفوقوا من المنام
وتشوفوا عين المعضلة
يا مصري يا ابن الكرام
مصر عنوان المرحلة
وبرّا في اولاد حرام
راسمين كل المهزلة
تقول لا او اقول تمام
مش هيا دي المشكلة
القصد يحصل انقسام
ومصر تبقى مزلزلة
زي ما بيحصل بالشام
وفي باقي البلاد التكملة
يا ريت نبصّ لقدّام
علشان المحصلة بعدين
ه تكون هيّا المشكلة
سامي الشرقاوي
ليست هناك تعليقات:
إرسال تعليق